إظهار / إخفاء الإعلاناتاعلانات الدواوين
عدد الضغطات : 6,480 عدد الضغطات : 8,604 عدد الضغطات : 6,409
عدد الضغطات : 6,855 عدد الضغطات : 8,163 عدد الضغطات : 6,375
عدد الضغطات : 6,523 عدد الضغطات : 8,195 عدد الضغطات : 6,151


ديوان الشعر الشعبي الشعر الشعبي بأنواعه

إضافة رد
 
أدوات الموضوع انواع عرض الموضوع
قديم 04-10-2007, 08:56 PM   #1
في ضيافة عبس


الصورة الرمزية احمد السندى
احمد السندى غير متواجد حالياً

بيانات اضافيه [ + ]
 رقم العضوية : 6059
 تاريخ التسجيل :  Aug 2007
 أخر زيارة : 16-05-2010 (09:22 PM)
 المشاركات : 0 [ + ]
 التقييم :  10
لوني المفضل : Cadetblue
شكراً: 0
تم شكره 0 مرة في 0 مشاركة
اجمل الابيات النبطيه



اجمل الابيات النبطيه



هناك أبيات تميزت بملامستها لأعماق الناس وقربها من همومهم وقضاياهم حيث جاءت بأسلوب مطابق لما يريدون التعبير عنه فظلت عالقة في الأذهان والعقول وحفظها الناس وتناقلوها حتى يومنا هذا لتضرب بها الأمثال في الأحداث والمناسبات المشابهة، ومما قيل في الحكمة والنصح والارشاد هذه الدرر الثمينة من المقتطفات الشعرية:
مرشد البذال

تري الردي لو مات محد بفاقده = كما حصاة حذفها ورع في جليب

بركات الشريف

أحفظ دبشك اللي عن الناس مغنيك= اللي ليا بان الخلل فيـك يرفـاك
وأعرف ترى مكة ولاها بناخيـك= لو تطلبه خمسة ملاليم ما أنطاك
والحر مثلك ما يصحـب الديـك= وإن صاحبه عاعا معاعات الأدياك

الشريف جري الجنوبي

ليا عاد ما للرجّال رأيٍ يدله= يأخذ من أشوار الرجال دليل

راشد الخلاوي

من عوّد العين المنـام تعـوّدت= ومن عوّد العين المساري تعاود
ومن عوّد الصبيان أكـل بيتـه= عاودوه في عسر الليالي الشدايد

عايد السندى
غديت كني قصة امقيط ورشاه =خلوه في بير ٍ عميق الملاوي
حذف عليه ارشاه واقفا وخلاه =واصبح مقيط بقاعة البير ثاوي



مريبد العدواني

النوم رأس اللوم بان الردى بـه = واللي يبي الطولات نومه شلافيح
الذيب ما يرقـد ورزقـه نهابـه = يدوّر الغرات عنـد المصاليـح
واللي يبا الطولات يتعب ركابـه = والعز بأكوار النضا ياهل الفيـح

محمد الأحمد السديري

فتـى بـلا عـزم حياتـه مذلـة= والعزم لقلـوب الرجـال طبيـب
من لا صبر بالعسر ما ذاق يسرها= وباب الفرج للصابريـن قريـب

فديغم بن خنيفر الرويضى الرشيدى

من لافزع يوم الارياق يباس = ولا الرخا محد ٍ يبيله فزوعى


راشد الخلاوي

مقام الفتى في منصب العز ساعة= ولا ألف عام يصحب الذل صاحبه
عبدالله القريفة

المراجـل مـا تهيّـا هالسّويـا= كود من عض النواجذ في سنونه
ضيدان العارضي

الظفر ساعه وإن حلّ ماجوبه= والمراجل لها حزّات ورجالي

خلف أبو زويد الشمري

الحمّـرة تـدرك معوشـة عيالهـا= وألا الرجل يبغى منه بعض الأحوال
سعدون العواجي

ليا صار ما توفي عميلك من الصاع= ما ينقعد لك عند حصـن النواهيـم
شبرٍ من البيداء يعوّضك بالافـزاع= وسود الليالي يبعدنّك عـن الضيـم

تركي بن حميد

من لا يديس الرأي من قبل ما ديس =عليـه داسـوه العيـال القرومـي
ومن لا يقلّط شذرة السيف والكيس= يبدي عليه مـن الليالـي ثلومـي
والقصر ما يصلح على غير تسييس= ومن لا تعلم مـا تفيـد العلومـي

عبيد العلي الرشيد

الناس ما تسقيك لا صرت عطشـان= ولا يشرب المضمي كود من ذراعه
أضرب على الكايد ليا صرت بحلان= وعند الولي وصل الحبل وإنقطاعـه
عيبٍ على اللي يتقي عقب ما بـان= وعيبٍ طمان النفس عقب إرتفاعـه

شالح بن هدلان

من حل دار النـاس حلّـوا ديـاره = لابـد مـا تسكـن ديـاره ويغبـن
ومن شق ستار الناس شقوّا ستـاره = ومن ضحك بالثرمان ضحك بلا سن

محمد الأحمد السديري

حيٍ يورّيك المذلـة وتغليـه= أنا أشهد إنك ميت القلب عامي
من لا يوّدك لا توّده وترجيـه= أرفع مقامك يا عزيز المقامي
خلف الأذن

الضرس يعبى له عن السهر مقلاع =حتى تنام العين مـا هـي طلابـه

مبارك بن عبيكة
أنا أشهد إن بقصرة الرجل نوماس= لا صار ما للرجل داعيٍ دعاهـا

عبدالله بن سبيّل

لا تأخذ الدنيا خراصٍ وهقوات = يقطعك من نقل الصميل البرادي
لك شوفةٍ وحده وللناس شوفات = ولا واديٍ سيله يفيض بـوادي

راشد الخلاوي

لا يأمن المظهود جمع المعـزة= ولا يأمن الجمع العزيز الظهايد
أيضا وبيت الفقر لا يأمن الغنى= وبيت الغنى لا يأمن الفقر عايد

محمد الأحمد السديري

لعل قصرٍ ما يجـي لـه ظلالـي= ينهد مـن عالـي مبانيـه للسـاس
لا صار ما هو مدهـلٍ للرجالـي= وملجأ لمن هو يشكي الضيم والباس
ليا خاب ظنك بالرفيق الوالي= ما لك مشاريهٍ على نايد الناس

مشعان بن هذال
يا بايعٍ جوخٍ على غيـر أهاليـه= مثل الذي ينزل بقصـرٍ خرابـه
ولد الردي لو طاب لك لا تماشيه= يومين والثالث يبين الـردى بـه

محمد المهادي

الأجواد إن قاربتهم مـا تملّهـم= والأنذال إن قاربتها عفت ما بها
الأجواد وإن قالوا حديثٍ وفوبـه= والأنذال منطوق الحكايا كذابهـا
الأجواد صندوقين مسك وعنبـر= ليا فتحت أبوابها جاك مـا بهـا
والأنذال لو غسّلوا ايديهم تنجّست= نجاسة قلوبٍ ما يفيد الدواء بهـا


صقر النصافى

ماني بمن يطرد سـرابٍ بمضمـاه = شاف السراب ويحسب أنه غديـري

مقحم النجدي الصقري

أحدٍ على جـاره بختـري ونـوّار= وأحدٍ على جـاره صفـاةٍ محيفـه
خطو الولد مثل البليهي ليـا ثـار= زودٍ على حمله نقل حمـل أليفـه
وخطو الولد يا مال قصّاف الأعمار= لا نافـعٍ نفسـه ولا منـه خيفـه


شالح بن هدلان

أبا أنذر اللي من ربوعي يبا الطيب=لا يأخذ ألا من بيـوت الشجاعـه
يجي ولدها مـذربٍ كنّـه الذيـب=عزٍ لأبوه وكل مـا قـال طاعـه
وبنت الردي يأتي ولدها كما الهيب=غبـنٍ لأبـوه وفشيله للجماعـه
يا كبر زوله عند بيت المعازيـب=متحـريٍ متـى يقـدم متـاعـه

بداح العنقري

الطيب ما هو بس للضاعنينا= قسّم على كل الوجيه المفاليح

سعدون العواجي

ما مال ألا فارغٍ من زبرها= ولا حي ألا مقتفيه المماتي

محمد الأحمد السديري

لولا الهرم والفقر والثالث الموت= يا الآدمي بالكون يا عظم شأنـك
لولا الثلاث وشأن من قدّر الفوت= نفذّت كل اللـي يقولـه لسانـك

بديوي الوقداني
أيامنـا والليالـي كـم نعاتبـهـا= شبنا وشابت وعفنا بعض الأحوالي

راشد الخلاوي

نعد الليالي والليالي تعدنا= العمر يفنى والليالي بزايد
قولوا لبيت الفقـر لا يامـن الغنـا= وبيت الغنا لا يامـن الفقـر عايـد

مناحي بن معدل السهلي

شابت لحانـا مـا لحقنـا هوانـا= وعزي لمن شابت لحاهم على ماش

تركي بن حميد

وأخير منها ركعتين بالأسحار= لا طاب نوم اللي حياته خساره
ذعار بن مشاري بن ربيعان

والله يا لولا العظم يومنـي أمـلاه= أكويه بالجمرة ويكوي جروحـي
مع دلةٍ صفرا على النـار مركـاه= أقصر بصبتها على كيف روحـي
فنجالها يشدي خضـاب الخونـداه= الجادل اللي عند أهلهـا طموحـي
عدّه لمن يثنـي خـلاف المخـلاه= فكاك بالضيقـات راع اللحوحـي
وعدّه لقـرمٍ مـا تونـي مطايـاه= يضوي ولو صكت عليه النبوحـي
وعدّه لمن تدفـق السمـن يمنـاه= عيدٍ لربعه بالزمـان الشحوحـي
وباقي الرجال فحول نسوان ورعاه= ضباط مال وحافظين السروحـي

محمد بن مهلهل بن شعلان

لا شفت خطو الظول بالك تعسّه=وإن فارقك شر المخاليق خلّـه
لو عندنا من غيب الأيام رسّـه=الآدمي مصلـوح نفسـه يدلّـه

شليويح العطاوى

يا ناشـدٍ عنـي ترانـي شليويـح= نفسي على قطع الخرايـم عزومـي
لا قلّت الوزنـة وربعـي مشافيـح= أخلّـي الوزنـة لربعـي وأشومـي

مزنة بنت مكازي

من عافنا عفناه ولو كان غالـي= ومن باعنا بالرخص بعناه بزهود
الدقيس الجمّيليّه

برقٍ مصدٍ لو مزونـه لهـا نـور= لا تستخيله لـو ربيعـك شفاقـه
من لا استشارك لا تعدّي له الشور= ومن لا يوّد ك سعد عينـك فراقـه

زوجة وديد بن عروج

الزول زولـه والحلايـا حلايـاه= والفعل ماهوب فعل واف الخصايل

نورة الحوشان

يا عين هلي صافي الدمع هليه= وليا انتهى صافيه هاتي سريبه
اللي يبينا عيّت النفس تبغيـه= واللي نبيه عيّا البخت لا يجيبه

محمد ابو دباس
يا الله يا اللي رد من عقب مايـاس= يوسف على يعقوب وابصر نظيـره
ترد علي دباس يا محصـي النـاس= يـا عالـم مـا بالخفـا والسريـره

عبدالله بن سجوان الرويس
ياحسين بلدان الجماعة مريفة= واللي مع الاجناب كنه على نار
يمنى بلا يسرى تراها ضعيفة= ورجل بلا ربع على الغبن صبار
الطير بالجنحان ما احلى رفيفه= وان انكسر حدى الجناحين ما طار
تركي بن حميد

من ياخذ الدنيا برايـه بـلا قيـس= مثل الذي في جوف بحـر يعومـي
ما ينبني بنيان مـن غيـر تاسيـس= ومن لا تعلـم مـا تفيـد العلومـي

نمر بن عدوان

البارحـة يـوم الخلايـق نيـامـا= بيّحت من كثر البكـا كـل مكنـون
لي ونّـهٍ مـن سمعهـا مـا ينامـا= ونّة صويبٍ بين الأضلاع مطعـون
محسن الهزاني

من ناظري دمعي على الخد مسكـوب=ومن الحوادث شاب راسي وأنا شـاب
لا لـذ لـي زادٍ ولا حلـو مشـروب=ولا لموق العين طيـب الكرى طـاب

فهد بورسلي
حل الفـراق وخافـي السـد باحـي=حاولت أصبر والصبر عـذّب الـروح
حالـي تـردى ومتكسـر جنـاحـي=حزين من كثـر الهواجيـس والنـوح

عبدالله بن سبيل

وسـدك فلا تعطيـه عـمٍ ولا خـال=كـم واحـدٍ بالهـرج يبحـث كنينـه

سليمان بن شريم

هبـي بريحـه يا هبـوب الشمالـي=كود الجنوب ومطلع الشمس ينصـاه
يـامـا ويـامـا فرقتنـا الليـالـي=وعزي لمن يصفـق شمالـه بيمنـاه

زيد الحرب

ما تنفع الدنيـا بلا شـوف الأعيـان=وعـزي لمن مثلي عيـونه عصاتـه

محمد بن لعبون

عـلامـه مـا ينابينـي عـلامـه=ويخفـي مـا بقلبـه من غرامـه
ويخلـف سنـة العشــاق فيـها=ومثلـه مـا يغابـي فـي كلامـه



 


رد مع اقتباس
قديم 05-10-2007, 04:48 AM   #2
عضو شرف


الصورة الرمزية سعد البويدي
سعد البويدي غير متواجد حالياً

بيانات اضافيه [ + ]
 رقم العضوية : 5111
 تاريخ التسجيل :  May 2007
 أخر زيارة : 06-10-2012 (01:10 PM)
 المشاركات : 239 [ + ]
 التقييم :  10
لوني المفضل : Cadetblue
شكراً: 0
تم شكره 0 مرة في 0 مشاركة
رد: اجمل الابيات النبطيه



اخوي احمد السندى

مشكور على اختيارك

اجمل الابيات النبطيه

ولاهنت


وتحياتي


 


رد مع اقتباس
قديم 06-10-2007, 02:40 PM   #3
في ضيافة عبس


الصورة الرمزية احمد السندى
احمد السندى غير متواجد حالياً

بيانات اضافيه [ + ]
 رقم العضوية : 6059
 تاريخ التسجيل :  Aug 2007
 أخر زيارة : 16-05-2010 (09:22 PM)
 المشاركات : 0 [ + ]
 التقييم :  10
لوني المفضل : Cadetblue
شكراً: 0
تم شكره 0 مرة في 0 مشاركة
رد: اجمل الابيات النبطيه



الاخ العزيز سعد البويدى لك منى جزيل الشكر


 


رد مع اقتباس
قديم 06-10-2007, 03:37 PM   #4


الصورة الرمزية عادل بن هون
عادل بن هون غير متواجد حالياً

بيانات اضافيه [ + ]
 رقم العضوية : 968
 تاريخ التسجيل :  Jun 2004
 أخر زيارة : 23-01-2014 (01:09 AM)
 المشاركات : 12,722 [ + ]
 التقييم :  10
لوني المفضل : Cadetblue
شكراً: 0
تم شكره 9 مرة في 7 مشاركة
رد: اجمل الابيات النبطيه



اختيارموفق


 
 توقيع :


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
شوف اجمل صور منطقه في ليبيا تشبه سطح القمر متعب العويمري ديوان الصور 14 23-03-2009 11:05 AM
اجمل نقطة حدود بين ثلاث دول متعب العويمري ديوان الصور 13 15-03-2009 08:07 PM
من اجمل الابيات الشعرية...مقتطفات عبدالرحمن البراك ديوان الشعر الشعبي 10 19-08-2007 02:03 AM


الساعة الآن 02:40 AM


Powered by vBulletin™ Version 3.8.7
Copyright © 2014 vBulletin Solutions, Inc. All rights reserved. diamond
Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظة لـ لدواوين بني رشيد 2002 - 2011